Berlin, 26 gusht 2025 (MIA) – NATO ngriti në ajër dy aeroplanë luftarakë gjermanë "Jurofiajter" pasi një aeroplan zbulues rus bëri një afrim të paparalajmëruar mbi Detin Baltik, kumtuan sot zyrtarët.

Siç transmeton DPA, aeroplanët luftarakë u ngritën nga aeroporti ushtarak Rostok-Lage për të identifikuar aeroplanin rus "Ilushin Il-20M".

Ai fluturoi pa ndonjë sinjal ose njoftim dhe mbeti në hapësirën ajrore ndërkombëtare, deklaroi zëdhënësi i forcave ajrore gjermane.

Ky ka qenë fluturimi i 10-të alarmues mbi Detin Baltik këtë vit.

Situata në zonë është bërë gjithnjë e më e tensionuar pas incidenteve të fundit të spiunazhit dhe akteve të dyshuara të sabotimit.

Foto: arkivi i MIA-s