Shkup, 16 janar 2022 (MIA) - Deputetët e opozitës dhe të partive në pushtet ndajnë qëndrime të kundërta në debatin e sotëm në Kuvend për zgjedhjen e qeverisë së re. Sipas opozitës, kuadrot qeveritare janë dëshmuar vetëm për korrupsionin dhe joprofesionalizmin e tyre dhe populli është i lodhur nga pagat e ulëta, taksat e larta dhe politikat katastrofike. Nga ana tjetër, partitë në pushtet mbeten të mendimit se kjo qeveri ka legjitimitet të plotë. Deputetja e LSDM-së, Daniella Koleva në Kuvend theksoi se kjo qeveri ka legjitimitetin dhe besueshmërinë që e ka nga zgjedhjet e fundit parlamentare, të cilat u konfirmuan nga shumica dhe siç shtoi ajo, e njëjta gjë do të konfirmohet në fund të ditës së sotme, kur do t'i jepet besimi qeverisë së re. Sipas saj, emrat e propozuar në qeveri janë njerëz me përvojë të gjerë, të cilët kanë kapacitete profesionale dhe portofol të pasur. Ajo shtoi se sfida kryesore me të cilën do të përballet qeveria e re janë të gjitha efektet e pandemisë së kovidit që ajo pati në ekonomi. Sipas saj, është evidente se shkalla e papunësisë aktualisht është në nivelin më të ulët historik, pra është 15.7 për qind. Deputeti i VMRO-DPMNE-së Zoranço Jovançev në përgjigjen e tij theksoi se të njëjtët njerëz që janë fajtorë për të gjitha krizat në vend, nuk mund të jenë zgjidhje për ta. Siç tha ai, në propozimin e qeverisë nuk ka asnjë emër të ri, por theksoi se të gjithë kanë të bëjnë me të njëjtin “regjim hibrid” të Zoran Zaevit. Për shkak të cunamit ekonomik dhe energjetik, sipas deputetit Jovançev, nevojiten zgjedhje të parakohshme parlamentare. Deputetja Daniella Hristova nga VMRO-DPMNE në përgjigje ka akuzuar se kuadrot e pushtetit dëshmohen vetëm për korrupsion, joprofesionalizëm dhe paaftësinë e tyre dhe siç tha ajo, një gjë e tillë ende nuk mund të tregohet në një dritë tjetër. Deputeti nga radhët e Të Majtës, Dimitar Apasiev, ka akuzuar se i mandatuari për kryeministrin nuk është përfaqësues i shtresës së mesme që duhet ta përfaqësojnë socialdemokratët, ndërsa për pjesën programore ka theksuar se qeveria e re ka ligjshmëri, por jo legjitimitet. "Ju sillni vetëm humbje në humbje. Humbje me Greqinë, ja ku është disfata me Bullgarinë ku nuk do të ketë gjuhë maqedonase ose do të ketë fusnotë, humbje nga BDI-ja ose Alternativa që kanë mbi një të tretën e departamenteve. BDI dhe Ali Ahmeti deri më tani kanë “shqyer” tetë kryeministra maqedonas, ju do të jeni i nënti. Carovska u zhduk, por Mariçiq dhe Grubi mbetën", tha Apasiev. Deputeti i LSDM-së, Darko Kaevski, në përgjigjen e tij theksoi se kjo qeveri është më e mirë se nga cilado qeveri e udhëhequr në periudhën e kaluar, por siç tha ai, dhe kjo nuk mjafton, sepse qytetarët meritojnë edhe më shumë. Deputetja e RDM-it, Maja Moraçanin, e përmendi pozitivisht Marrëveshjen e gjelbër evropiane, e cila mbetet parim bazë në krijimin e programit të qeverisë. Në përgjigjen e tij, deputeti i LSDM-së, Martin Kostovski, tha se VMRO-DPMNE-ja ka frikë nga qeveria e re dhe Kovaçevski dhe theksoi se qytetarët janë të lodhur nga retorika boshe partiake dhe sulmet e kota. Ai shtoi se qytetarët duan shumë më tepër, që është fundi i pandemisë, paga dhe pensione më të larta. mb/