Vjenë, 28 korrik 2022 (MIA) - Kryeministri hungarez Viktor Orban përsëriti sot në Vjenë pikëpamjet e tij kundër emigrantëve, por nuk foli në mënyrë eksplicite për kombet e "racave të përziera", duke e bërë atë objektiv të kritikave të ashpra në të gjithë Evropën. Pas një takimi me kancelarin austriak Karl Nehamer, Orban këmbënguli në atë që ai e quajti nevojën për të mbrojtur kulturën hungareze nga ndikimi i jashtëm. "Nuk dua që Hungaria të bëhet një vend imigrimi dhe nuk dua që migrimi të bëhet më i fortë në Hungari. Unë e kam mbajtur gjithmonë këtë pikëpamje dhe do të vazhdoj ta bëj këtë, kjo nuk ka asnjë bazë biologjike. Kjo nuk është një çështje racore për ne. Kjo është një çështje kulturore. Qytetërimi ynë thjesht duhet të ruhet siç është tani", tha Orban. Kryeministri i krahut të djathtë të Hungarisë ka hasur në  kritika të ashpra në të gjithë Evropën pasi foli në një tubim në Rumani të shtunën, ku tha se vendet evropiane me një numër të madh emigrantësh, gjegjësisht ato ku përzihen evropianët dhe jo-evropianët, "nuk janë më kombe" por " asgjë më shumë se një konglomerat" i kombeve". sa/