Ankara, 27 mars 2025 (MIA) - Turqia sot e hodhi poshtë "dënimin" ndërkombëtar për arrestimin e prefektit të Stambollit, Ekrem Imamogllu dhe protestat që pasuan, ndërsaautoritetet kumtuan se kanë arrestuar pothuajse 1.900 njerëz për shkak të pjesëmarrjes në demonstrata.

Imamogllu, rivali kryessor politik i presidentit turk, Rexhep Taip Erdogan, i cili pati epërsi në disa anketa, u arrestua të dielën dhe u ndalua në pritje të gjykimit për shkak të akuzave për korrupsion.

Arrestimi i tij i shkaktoi, siç kumtuan mediumet, protestat më të mëdha antiqeveritare në dekadën e fundit.

Partia kryesore opozitare republikane popullore (CHP) e Imamogllut, parti të tjera opozitare, organizata për të drejta të njeriut dhe forca perëndimore thanë se rasti kundër prefektit është "tentim i politizuar për t'u mënjanuar kërcënimi potencial zgjedhor për Erdoganin".

Qeveria mohon për çfarëdo lloj ndikimi ndaj gjyqësisë dhe pohon sen gjykatat janë të pavarura. ab/

Foto: МIА arkivi