Xhalalabad, 2 shtator 2025 (MIA) - Numri i viktimave nga tërmeti që goditi Afganistanin tejkaloi 1.400, njoftuan sot talebanët.

"Më shumë se 3.000 persona janë lënduar", deklaroi zëdhënësi i qeverisë së talebanëve, Zabihullah Muxhahid, në rrjetin social X.

Përfaqësuesit e Kombeve të Bashkuara në Afganistan thonë se shpëtuesit për momentin janë në garë me kohën që të arrijnë në zonën malore të largët të goditur nga tërmeti me magnitudë prej 6 ballë sipas Shkallër Rihter, raportuan mediat amerikane.

Siç është theksuar, terreni i paarritshëm vështirëson operacionet e shpëtimit dhe dërgesën e ndihmës humanitare.

"Kërkojmë nga bashkësia ndërkombëtare të ndihmojë. Është çështje jete a vdekje të arrish tek njerëzit në zonën e goditur nga tërmeti", tha Indrika Ratvate, koordinatore e KB-së.

Gjysmëhëna e Kuqe afgane parparakisht sot kumtoi që më shumë se 8.000 shtëpi janë shkatërruar nga tërmeti. sa/

foto: X