Bejrut, 15 shkurt 2024 (MIA) - Numri i viktimave civile në dy sulmet ajrore të djeshme izraelite në Liban u rrit në dhjetë, njoftuan sot media shtetërore libaneze.

Ky është numri më i madh i viktimave në një ditë të vetme në konfliktet ndërkufitare që kanë zgjatur për më shumë se katër muaj.

Ekstremisti libanez Hezbollah është zotuar të hakmerret për sulmet që goditën qytetin Nabatieh dhe një fshat në Libanin jugor, disa orë pasi raketat e lëshuara nga vendi vranë një rekrut izraelit.

Në qytetin Nabatieh, një pjesë e një ndërtese u shemb në një sulm izraelit, duke vrarë shtatë anëtarë të së njëjtës familje, duke përfshirë një fëmijë, njofton Agjencia kombëtare e lajmeve.

Një djalë që u raportua fillimisht i zhdukur u gjet i gjallë nën rrënoja. Sipas informacioneve të para, katër persona janë vrarë.

Në fshatin Suaneh janë vrarë një grua dhe dy fëmijët e saj të vegjël. Në mesin e viktimave janë edhe gjashtë gra dhe tre fëmijë, ndërsa u vranë edhe tre luftëtarë të Hezbollahut.

Sot, institucionet qeveritare, shkollat ​​dhe Universiteti libanez janë mbyllur në shenjë proteste ndaj sulmeve ajrore.

Ndërkohë, ministri izraelit i Mbrojtjes Joav Galant foli me telefon me homologun e tij amerikan, Lojd Oustin, për kërcënimet dhe sulmet e Hezbollahut.

Galant tha se Izraeli nuk do të tolerojë sulmet ndaj qytetarëve të tij dhe do të sigurojë kthimin e qytetarëve të zhvendosur nga veriu dhe është i përgatitur ta bëjë këtë përmes mjeteve diplomatike ose ushtarake. qa/

Foto: arkivi i MIA-s