Gazë, 31 maj 2025 (MIA) - Në sulmet izraelite, gjatë 24 orëve të fundit, në Rripin e Gazës jetën e kanë humbur të paktën 60 njerëz, njoftuan autoritetet palestineze.

Ministria e Shëndetësisë në enklavën palestineze njoftoi se në sumet ajrore izraelite janë lënduar 284 persona.

Në kumtesën e Ministrisë së Shëndetësisë thuhet se në bilancin e sotëm të viktimave nuk janë regjistruar personat që janë vrarë ose lënduar në pjesën veriore të Rripit të Gazës, pasi qasja është e kufizuar për shkak të luftës.

Sipas burimeve palestineze, nga fillimi i luftës në Rripin e Gazës jetën e kanë humbur mbi 54.300 njerëz, ndërsa më shumë se 124.000 janë lënduar. bsh/

Foto: DPA