Gazë, 24 nëntor 2023 (MIA)  -  Armëpushimi katërditor ndërmjet Hamasit dhe Izraelit, që të mundësohet lirimi i pengjeve në Rripin e Gazës në këmbim të të burgosurve palestinezë, ka hyrë zyrtarisht në fuqi në mëngjesin e sotëm  në orën 07 sipas kohës lokale.

 "Pauza humanitare", e rënë dakord nën mbështetjen e Katarit, Egjiptit dhe SHBA-së, vjen pasi lufta midis Izraelit dhe lëvizjes palestineze Hamas hyri në ditën e saj të 49-të.

 Lirimi i parë i pengjeve (13 gra dhe fëmijë) pritet rreth orës 16 sipas kohës lokale.

 Për kohëzgjatjen e armëpushimit do të lirohen  50 pengje në këmbim të 150 të burgosurve palestinezë.

 Foto: Arkivi i MIA-s