Gazë, 2 shtator 2024 (MIA) - Në ditën e parë të fushatës për vaksinimin kundër paralizës së fëmijëve në pjesën qendrore të Rripit të Gazës janë vaksinuar mbi 72.000 fëmijë. 

Zëdhënësi i Ministrisë së Shëndetësisë në Gazë, Ashraf al Kudra, deklaroi se qytetarët treguan interesim të madh për vaksinimin e fëmijëve nën pesë vjeç e cila zbatohet nga Agjencia e Kombeve të Bashkuara për ndihmën për refugjatët palestinezë në Lindjen e Mesme (UNRËA). 

Al-Kudra theksoi se në qendrat për pranim, në rrugët kryesore dhe në pikat e vaksinimit punojnë 470 punonjës shëndetësor. 

Sipas Ministrisë së Shëndetësisë në Gazë, në ditën e parë të vaksinimit në pjesën qendrore të enklavës janë vaksinuar 72.611 fëmijë. 

Qëllimi i vaksinimit kundër paralizës së fëmijëve është që të përfshihen mbi 600.000 fëmijë të moshës nën dhjetë vjeç në Rripin e Gazës. 

Organizata Botërore e Shëndetësisë (OBSH) informoi se vaksinimi në Deir al-Belah e cila ndodhet në pjesën qendrore të Rripit të Gazës do të vazhdojë deri më 4 shtator. 

Vaksinimet kundër paralizës së fëmijëve nën moshën dhjetë vjeç kanë filluar në qytetin Kan Junis në jugun e Rripit të Gazës ku vazhdojnë sulmet izraelite. qa/

Foto: arkivi