Pekin, 1 shtator 2025 (MIA) - Në takimin e sotëm midis kryeministrit indian Narendra Modi dhe presidentit rus Vladimir Putin, i cili u zhvillua gjatë samitit të Organizatës së Bashkëpunimit të Shangait (OBSH), u diskutua për stabilitetin rajonal, tregtinë dypalëshe dhe bashkëpunimin energjetik.

Modi e përshkroi partneritetin me Moskën si "të veçantë dhe të privilegjuar". Në takimin e OBSH-së, ai mirëpriti iniciativat e paqes për të ndaluar luftën e Rusisë kundër Ukrainës.

Për t'i dhënë fund konfliktit sa më shpejt të jetë e mundur dhe për të vendosur paqe të qëndrueshme, duhet të gjejmë një rrugë. Kjo është thirrja e gjithë njerëzimit", theksoi Modi.

Ndërsa Putin deklaroi se lidhjet e Rusisë me Indinë janë "të veçanta, miqësore dhe të besueshme".

Rusia dhe India kanë ruajtur marrëdhënie të veçanta për dekada të tëra. Miqësore, të besueshme. Kjo është baza për zhvillimin e marrëdhënieve tona në të ardhmen. Këto marrëdhënie janë absolutisht jopartiake në natyrë, ato mbështeten nga shumica dërrmuese e njerëzve në të dy vendet", vuri në dukje Putin.

Takimi Modi-Putin është i rëndësishëm sepse vjen disa ditë pasi presidenti i SHBA-së Donald Tramp vendosi tarifa shtesë prej 25 përqind për importet e bakrit nga India, duke i rritur tarifat totale deri në 50 përqind, në përgjigje të blerjes së vazhdueshme të naftës ruse nga India me çmime të zbritura.

Rusia ka mbajtur lidhje të forta me Indinë që nga Lufta e Ftohtë, dhe rëndësia e Nju Delhit si një partner kryesor tregtar është rritur që nga lufta e Moskës kundër Ukrainës. sa/

foto: EPA