Sarajevë, 5 maj 2025 (MIA) - Ministri i Mbrojtjes i Bosnjë e Hercegovinës, Zukan Helez deklaroi se presidenti i Serbisë, Aleksandar Vuçiq, u detyrua të largohej nga SHBA-ja pasi u përpoq të merr pjesë në një darkë donatore të Komitetit kombëtar republikan nën një identitet të rremë. Sipas Helez, Vuçiq, i cili e kishte shpallur udhëtimin e tij si mundësi për t'u takuar me presidentin amerikan, Donald Tramp, ishte "i turpëruar" dhe u kthye menjëherë në Serbi.

"Vuçiq ishte i gatshëm të paguante një shumë të madhe për t'u takuar me Trampin, por në vend të kësaj, puthi dyert e rezidencës së tij në Floridë", tha Helez. Thotë se edhe ai do të ndihej keq nëse do të "përzëhej dhe dëbohej" nga SHBA-ja, ashtu siç ishte rasti me presidentin serb. Helez theksoi se qindra mijëra qytetarë të Serbisë po protestojnë kundër Vuçiqit, duke kërkuar dorëheqjen e tij, gjë që tregon se ai nuk ka mbështetje as në vendin e tij.

Helez, i cili paradokohe bëri një vizitë zyrtare në SHBA-së dhe realizoi takime në Pentagon, tha se vizitat e tij kishin rezultuar në thellimin e bashkëpunimit dhe mbështetjen për sovranitetin e BeH. Ai akuzoi Vuçiqin se planifikonte të përhapte gënjeshtra në lidhje me përfshirjen e supozuar të boshnjakëve në një sulm terrorist në Nju-Jork, por dështoi ta realizojë planin.

Ajo që Vuçiq inskenoi në lidhje me vizitën e tij në SHBA, mund të bëhej vetëm nga një person i sëmurë mentalisht. Edhe atë pak kredibilitet dhe autoritet që kishte në qarqet ndërkombëtare, nëse edhe e kishte, Vuçiq e humbi. Bota e pa sërish me çfarë manipuluesi ka punë. Në rrethana të tilla, Vuçiq iu kthye asaj që di më së miri, e që është të gënjejë dhe të manipulojë opinionin në Serbi dhe në rajon. Megjithatë, nuk mund t'i mashtrosh të gjithë njerëzit gjatë gjithë kohës. Debakli i Vuçiqit nga vizita e tij në SHBA është objekt talljeje në Serbi dhe rajon, ndërsa së shpejti edhe mbarë botën", konfirmoi Helez.

ako sam dobro razumeo, prijavio se preko udruženja kamiondzija na lažno ime, kupio donatorsko mesto za milion iako je protivzakonito, jer ni jedan strani državljanin/funkcioner ne sme finansirati stranačku kampanju u americi, čak ni preko "drugara", za to čekičao po hodnicima dok… pic.twitter.com/RugZawM8Js

— Djordje Miketic (@djordjemiketic) May 4, 2025

Informacione të ngjashme më herët publikoi politikani i opozitës serbe, Gjorgje Miketiq, i cili pohon se Vuçiç është regjistruar me emër të rremë, përmes shoqatës së kamionxhinjve, dhe ka blerë një vend në darkën e donatorëve, që ishte e paligjshme dhe u zbulua. rq/bsh/

Foto: arkivi i EPA-s