Shkup, 15 qershor 2023 (MIA) - Selektori i reprezentacionit të futbollit të Maqedonisë, Bllagoja Milevski i ka shprehur pritjet e tij për kualifikimin e nesërm për EURO 2024 me Ukrainën.

"Mund të presim që futbollistët që do të jenë në fushë të japin maksimumin. Se kush do të performojë dhe sa do të luajë varet nga përgatitja fizike e secilit individ dhe nuk mund të flasim shumë për formën konkurruese, por se cila prej tyre është afër ritmit garues. Ajo që më bën të kënaqur në këtë periudhë të kaluar, nga 2 qershori e në vazhdim, mendoj se kemi arritur të bëjmë një bilanc nga ata që kanë përfunduar më vonë, me ata që kanë përfunduar kampionatet më herët. Të gjithë kanë gjak dhe dëshirë për këtë ndeshje dhe ky do të jetë një nga kushtet tona për ndeshjen me Ukrainën, do të jetë një garë maksimale dhe përgatitje fizike. Do të duhet të jemi në 100 për qind, sepse Ukraina është një përzgjedhje jashtëzakonisht cilësore si ekipore ashtu edhe individuale. Duhet të jemi në nivel më të lartë se i yni, nëse duam rezultat të suksesshëm", tha Milevski.

"Ndeshja do të luhet në Arenën nacionale "Todor Proeski" në Shkup nesërmbrëma me fillim në ora 20:45. mb/