Niamej, 20 gusht 2023 (MIA) - Mijëra mbështetës të ushtrisë së Nigerit demonstruan në kryeqytetin e Nigerit, Niamej.

 Ata sinjalizuan mbështetjen e tyre për juntën, e cila mori pushtetin më 26 korrik dhe premtoi një periudhë kalimtare që do të zgjasë të paktën tre vjet. Ashtu si demonstratat e mëparshme, edhe këtë herë pjesëmarrësit e demonstratës bërtisnin sloganë antifranceze dhe sloganë kundër Komunitetit Ekonomik të Afrikës Perëndimore.

"Jo sanksioneve!" dhe “Poshtë Franca!” shkruhej në disa nga pankartat e demonstruesve.  

 Komuniteti Ekonomik i Afrikës Perëndimore është kërcënuar se do të përdorë forcë nëse presidenti i rrëzuar nuk kthehet në pushtet. Organizata tashmë ka vendosur sanksione ndaj Nigerit. Junta, nga ana tjetër, i paralajmëroi vendet e huaja që të mos ndërmerrnin ndërhyrje të armatosur në Niger. Dhe shefi i juntës, Abdurrahman Çiani, siguroi se nuk dëshiron të marrë pushtetin dhe premtoi tranzicion që do të zgjasë më së shumti tre vjet. Këtë premtim  e bëri mbrëmë në një fjalim drejtuar kombit.

Një delegacion i Komunitetit Ekonomik të Afrikës Perëndimore dje e vizitoi Nigerin dhe u takua me presidentin e rrëzuar si dhe me Çianin. Sipas TV Al Arabia, misioni i saj dështoi për shkak se ushtria refuzoi ta lirojë presidentin Mohamed Bazumin dhe ta kthejë atë në funksion e tij. 

Foto: EPA