Shkup, 26 tetor 2025 (MIA) - Kryetari i VMRO-DPMNE-së, Hristijan Mickoski sot në kuadër të fushatës për rrethin e dytë të zgjedhjeve lokale, në një mini-tubim në Karposh, u bëri thirrje qytetarëve që më 2 nëntor të votojnë për "numrin 9, për fund të betonimit, për zhvillim dhe progres", duke thënë se kryetari aktual i komunës Stevço Jakimovski duhet të jetë e kaluar në Karposh.

Mickoski theksoi se po fliste si një njeri që e kishte kaluar jetën e tij në rrugët e Karposhit, me banorët e Karposhit dhe tha se në këto zgjedhje lokale populli qartë dhe zëshëm tha se cilës parti i beson.

"Sot jam këtu si një njeri që e ka kaluar jetën e tij këtu në këto rrugë këtu në Karposh, si banor i Karposhit dhe si i tillë dua të them disa gjëra që besoj se janë të rëndësishme për t'u thënë. Në këto zgjedhje lokale populli tha qartë dhe zëshëm se cilës parti i beson. Pas rrethit të parë, VMRO-DPMNE dhe koalicioni fituan 33 kryetarë komune, plus kandidatët që janë në rrethin e dytë si të parët dhe gjashtë si të dytët, pastaj vijmë në një numër prej 59 komuna. Në 58 komuna, koalicioni i udhëhequr nga VMRO-DPMNE ka shumicë në këshilla. Nëse kësaj i shtojmë avantazhin e madh që Orce ka ndaj kundërshtarit të tij, të cilin e patë dje në media, duke shmangur publikisht të thoshte nëse do t'i mbështeste kandidatët e VMRO-DPMNE-së në Bërvenicë dhe Kërçovë, kjo duhet të mbahet mend, ne e dimë, por është mirë që banorët e Shkupit të kujtojnë se me çfarë mashtruesish kanë të bëjnë. Sepse një herë mashtrues, gjithmonë mashtrues. Nderi fitohet në rrugë dhe atje mëson gjëra që nuk mund t'i mësosh në shkollë, e mes tyre është nderi dhe ai mbrohet në rrugë, por ky njeri, jo vetëm që nuk e ka atë nder, por ka nga kush të mësojë, mentorin e tij, kryetarin e asaj partie politike, të cilën moti e dini se çfarë mashtruesi është. Ata njerëz e kanë humbur nderin e tyre dhe nuk e kanë atë", theksoi Mickoski.

Mickoski nga Karposhi bëri thirrje për dalje masive dhe përkrahje për numrin 9, për Sotir Llukrovskin dhe Orce Gjorgjievski për kryetar të Qytetit të Shkupit.

"Lista e këshilltarëve të VMRO-DPMNE-së dhe koalicionit për Qytetin e Shkupit bindshëm fitoi në krahasim me listat tjera të këshilltarëve, që do të thotë se kemi gjithsej 60 komuna, ku VMRO-DPMNE-ja fitoi në këto zgjedhje lokale që në rrethin e parë. Unë jam i bindur se edhe pas rrethit të dytë do të kemi 59 kryetarë komunash, plus Qytetin e Shkupit", tha Mickoski.

Ai foli edhe për kryetarin aktual të komunës së Karposhit, Stevço Jakimovski, duke u kthyer disa vite prapa dhe rrëfeu se çfarë ka ndodhur.

"Nuk kam folur kurrë më parë se ku u ndanë rrugët tona me Stevço Jakimovskin, i cili ishte pjesë e koalicionit tonë, por mendoj se sot është një mundësi e mirë për të thënë disa fjalë për këtë. Do të kthehem te viti 2021, katër vjet më parë, pas rrethit të parë të zgjedhjeve lokale, ai erdhi pa paralajmërim, i frikësuar dhe në panikë, e prita normalisht, i thashë çfarë është puna Stevço, ai tha të lutem, nëse nevojitet, do të gjunjëzohem, të lutem të kem mbështetjen tënde. E shikoj dhe i them jo, ndihem në siklet, në fund të fundit, je burrë i moshuar, gjëra të tilla nuk të përshtaten, të lutem ulu në karrige, pi pak ujë, do të flasim, të shohim se si mund të ndihmojmë, megjithatë ne jemi koalicion, fituam raundin e parë. Jo, të lutem, do të gjunjëzohem përsëri, çfarë duhet të bëj, vetëm të më përkrahni, thotë populli mund të të justifikojë, të të zbardhë. Vetëm populli mund të më zbardhë për të fituar zgjedhjet dhe nuk kam nevojë për asgjë më pas. I them, Stevço, kam një kërkesë për ty, për gjithçka tjetër të kuptoj, vetëm të kërkoj që të mos ketë ndërtime betoni për Karposhin, njerëzit e Karposhit janë të lodhur. Thotë se nuk më intereson asgjë, vetëm që populli të më zbardhë. Mbledhja mbaroi, e gjithë udhëheqja u përfshi në fushatë, ai u bë kryetar komune. Kaluan disa ditë, shkova ta përgëzoja dhe ai thotë eja të të tregoj, një tavolinë e madhe, ku i rregulloi të gjitha planet e detajuara urbanistike, 30 me radhë dhe thotë zgjidh, unë i them çfarë të zgjedh, pra cilat janë për ty. Prit Stevço, a nuk ishte në zyrën time, a nuk na kërkove të të mbështesnim, a nuk thamë ne pa ndërtime betoni. Dhe ai thotë jo, duhet të jetoj nga diçka. E shikova, vetëm e falënderova, jo i thash, faleminderit për këtë, nuk ke asnjë mbështetje më nga unë, dhe u largova", tha Mickoski. bsh/

Foto: VMRO-DPMNE