Stamboll, 15 maj 2025 (MIA) – Shefi i delegacionit rus në bisedimet në Stamboll, Vladimir Medinski, deklaroi sot se qëllimi i kontakteve të drejtpërdrejta me palën ukrainase është vendosja e paqes afatgjate përmes zgjidhjes së shkaqeve rrënjësore të konfliktit. 

Duke folur para mediave para fillimit të bisedimeve, Medinski theksoi se ekipi rus i ka të gjitha kompetencat e nevojshme dhe është i gatshëm për dialog konstruktiv, njoftuan mediat ruse. 

“Delegacioni ynë i vlerëson këto bisedime si vazhdimësi e procesit paqësor që ishte ndërprerë në vitin 2022”, tha Medinski. 

Sipas tij, qëllimi i kontakteve të drejtpërdrejta me Ukrainën është që të vendoset paqe afatgjate përmes mënjanimit të shkaqeve rrënjësore të konfliktit. 

Medinski tha se presidenti rus Vladimir Putin i ka vendosur detyrat dhe e ka definuar pozitën negociuese në Stamboll pas takimit me të gjithë komandantët e Qarkut ushtarak qendror. fc/

Foto:EPA