Bruksel, 25 qershor 2025 (MIA) – Situata në Lindjen e Mesme është kritike dhe ka shumë kërkesa për përshkallëzim të tensioneve, por është plotësisht i qartë fakti se Iranit nuk duhet t’i lejohet të zhvillojë kapacitete bërthamore, deklaroi kryetarja e Parlamentit Evropian, Roberta Mecolla gjatë mbërritjes në Samitin e sotëm të BE-së në Bruksel. 

“Duhet të jemi të sigurt se armëpushimi respektohet, por gjithashtu duhet të punojmë edhe në armëpushim në Gazë, që të mundësohet hyrja e ndihmës humanitare për të gjithë ata që u nevojitet dëshpërimisht, si dhe për lirimin e të gjitha pengjeve”, tha Mecolla. 

Ajo i përshëndeti rezultatet e Samitit të djeshëm të NATO-s në Bruksel në të cilin ishte dakorduar rritja e shpenzimeve për mbrojtje, por theksoi se tani edhe BE-ja do të duhet ta përfundojë “detyrën e saj të shtëpisë” në këtë pjesë. 

Mecolla paralajmëroi se javën e ardhshme do të fillojë i a.q. trialog për harmonizim të rregullores së BE-së për furnizime në mbrojtje, duke shfaqur shpresë se marrëveshje për përmbajtjen e tij do të arrihet në fund të këtij viti. fc/

Foto: Arkivi i MIA-s