Munih, 31 tetor 2023 (MIA)  -  Kryetari aktual i Unionit Kristian Social (CSU) Markus Zoder sot u konfirmua për lider të partisë në fillim të kongresit dyditor të partisë në Munih.

Zoderi u zgjodh me 91.3 për qind të votave, që vëzhguesit e shohin si një sukses kryesisht për shkak të reformave të diskutueshme partiake që Zoderi i inicioi pasi mori drejtimin e CSU-së në fillim të vitit. 

Zoderi, i cili e kryente edhe funksionin e kryeministrit bavarez që nga viti i kaluar, në fjalimin e tij para zgjedhjeve sulmoi ashpër partitë e të Gjelbërve dhe Alternativës për Gjermaninë (AfD), të cilat në zgjedhjet e fundit u treguan si konkurrentë kryesorë të CSU-së e cila e përfaqëson opsionin demokristian në Bavari. 

 Zoderi e krahasoi AfD-në me Partinë Kombëtare Demokratike të Gjermanisë (NPD) të ekstremit të djathtë.

 Kryetari  i Demokratëve Kristianë Bavarez e kritikoi edhe koalicionin e mundshëm të Socialdemokratëve, partisë së Majtë dhe të Gjelbërve në nivel federal.

 Në të njëjtën kohë, ai veçanërisht e kritikoi politikën klimatike të drejtuar pjesërisht kundër industrisë automobilstike, e cila me Audi dhe BMV ka bastionin më të fortë në Bavari

 "Bavaria ishte vendi i makinave dhe ashto do të mbetet: Nuk do të ketë lëshime", tha Zoderi.