Paris, 10 tetor 2025 (MIA) - Presidenti francez Emanuel Makron sot pasdite do t'i presë në Pallatin e Eliseut liderët e partive kryesore politike në vend, por në takim nuk do të ftohen udhëheqësit e të majtës radikale dhe të djathtës ekstreme, njoftoi televizioni BFM TV.

Takimi mbahet në një moment kur Makroni duhet të zgjedhë kryeministër të ri - të gjashtën herë me radhë në kuadër të mandatit të tij të dytë presidencial.

Kriza politike në Francë u thellua të hënën, kur kryeministri i emëruar Sebastijan Lekornu dha dorëheqje vetëm disa orë pas shpalljes së përbërjes të qeverisë së tij. Ai e arsyetoi vendimin me mungesën e mbështetjes së plotë në kuadër të koalicionit qeveritar dhe me, siç tha, "ambicie të tepërta personale" të disa politikanëve.

Makroni e obligoi Lekornun të mbajë konsultime dy ditëshe me partitë politike, në të cilat u arrit konsensus se prioritet më urgjent është miratimi i buxhetit për vitin e ardhshëm, në kushte të deficitit të madh buxhetor.

Pas përfundimit të konsultimeve, Lekornu tha se Makroni do të emërojë kryeministër të ri në afat prej 48 orësh.

Sipas mediave, është e mundur që presidenti të zgjedhë kryeministër nga radhët e të majtës, por nuk përjashtohet edhe nominimi i dytë i Lekornut. sa/

foto: arkivi