Makroni në kërkim të konsensusit për kryeministër të ri të Francës
- - Presidenti i Francës, Emanuel Makron ju bëri thirrje liderëve të partive nga të dyja dhomat e parlamentit francez në bisedime më 23 gusht me qëllim të zgjedhjes së kryeministrit të ri të vendit, bëhet e ditur në kumtesën e zyrës së presidentit.
- Post By Fitore Curri
- 20:18, 16 gusht, 2024
![Makroni në kërkim të konsensusit për kryeministër të ri të Francës](https://mia.mk/images/20240816201846_big_730x400_53.webp )
Paris, 16 gusht 2024 (MIA) - Presidenti i Francës, Emanuel Makron ju bëri thirrje liderëve të partive nga të dyja dhomat e parlamentit francez në bisedime më 23 gusht me qëllim të zgjedhjes së kryeministrit të ri të vendit, bëhet e ditur në kumtesën e zyrës së presidentit.
Pas rezultatit të pasuksesshëm në zgjedhjet e parakohshme të 7 korrikut, ku nuk ishte formuar shumicë e qartë në parlament, ndërsa koalicioni qendror i Makronit përjetoi humbje, qeveria e Gabriel Atal vazhdoi përkohësisht ta udhëheqë Francën gjatë Lojërave Olimpike në Paris.
Makroni shpresonte se do të emërojë kryeministër i ri deri në mes të gushtit, por për momentin e injoron kandidatin të cilin e propozoi koalicioni i majtë "Fronti i ri popullor", i cili i fitoi zgjedhjet.
"Qëllimi i takimeve të premten e ardhshme me liderët e partive është që të formohet shumicë sa më e gjërë e mundshme dhe shumicë më e qëndrueshme e cila do t'i shërbejë vendit", qëndron në deklaratën e kabinetit të Makronit. fc/
Fotografia: Arkivi