Uelington, 19 nëntor 2024 (MIA) - Më shumë se 40.000 njerëz sot u mblodhën para Parlamentit në Uelington, Zelanda e Re, në shenjë mbështetje për të drejtat e maorëve dhe kundër legjislativës së propozuar që do ta ndryshojë kuptimin e traktatit themelues të vitit 1840 ndërmjet Britanisë së Madhe dhe maorëve indigjenë.

Edhe pse protesta ishte kundër ligjit i cili do ta ndryshojë interpretimin e marrëveshjes kyçe ndërmjet maorëve dhe kurorës britanike, shumica e panë atë si një festë të ringjalljes së gjuhës dhe identitetit të maorëve, të cilët pothuajse ishin shkatërruar gjatë kolonizimit.

Organizatorët theksuan vlerën e luftës për të drejtat e të parëve dhe brezave të ardhshëm. Ndërmjet pjesëmarrësve të protestës kishte njerëz që nuk janë maorë, shumica mbanin flamuj për sovranitetin e maorëve ose flamuj tjerë, siç janë flamujt e Samoas, Tongas, Australisë, SHBA-së, Izraelit dhe flamujt palestinezë.

Kritikët besojnë se ligji i propozuar do të shkaktojë krizë kushtetuese dhe do t'i ulë të drejtat e veçanta që u takojnë maorëve pas shkeljes dekadëshe të të drejtave të tyre. Edhe pse nuk pritet të miratohet kurrfarë ligjvënie, shumica pajtohen se protesta reflekton nivelin e rritjes së solidaritetit ndërmjet banorëve të Zelandës së Re të të gjitha preardhjeve në lidhje me të drejtat e Maorëve. sa/

Foto: EPA ilustrim