Londër, 28 tetor 2024 (MIA)  - Pothuajse 225 emigrantë me katër varka kanë mbërritur në Britani të Madhe. Me këtë, sipas të dhënave të fundit të Ministrisë britanike të Punëve të Brendshme, numri i emigrantëve të paligjshëm që kanë mbërritur deri më tani përmes La Manshit është rreth 30.000 persona, njoftoi DPA.

 Gjatë ditës së djeshme, një person humbi jetën dje pasi një varkë me emigrantë u përmbys në La Mansh, bënë të ditur autoritetet franceze. Burri, i cili është indian dhe rreth të 40-ave, ishte në një varkë që u nis nga qyteti Tardengan në Francën veriore në orën 5:30 të mëngjesit sipas kohës lokale, bëri të ditur prefektura Pa de Kale. Shërbimet e urgjencës u përpoqën ta trajtonin burrin, por ai ndërroi jetë në vendngjarje.

 Deri më tani këtë vit, roja bregdetare franceze ka raportuar 49 vdekje nga mbytja e emigrantëve në La Mansh.

Foto: Arkivi i MIA-s