Londër, 8 gusht 2025 (MIA) - Izraeli po gabon me miratimin e planeve për okupimin e qytetit të Gazës, deklaroi sot kryeministri britanik Kir Starmer.

Lideri britanik i bëri thirrje Izraelit të rishqyrtojë planet për një ofensivë të re.

Starmer i bëri këto komente pasi kabineti ushtarak i kryeministrit izraelit Benjamin Netanjahu miratoi planet për një operacion për marrjen e Gazës.

Kryeministri britanik tha se Izraeli duhet të veprojë në drejtim të deeskalimit, jo të nisë një operacion të ri.

"Ky aksion nuk do t'i japë fund konfliktit dhe as nuk do të ndihmojë në lirimin e pengjeve. Kjo vetëm do të çojë në më shumë gjakderdhje", ka thënë Starmer.

"Çdo ditë kriza humanitare në Gazë po përkeqësohet, ndërsa pengjet që mbahen nga Hamasi janë në kushte të tmerrshme dhe çnjerëzore. Ne kemi nevojë për armëpushim, më shumë ndihmë humanitare, lirimin e të gjithë pengjeve të mbajtura nga Hamasi dhe zgjidhje të negociueshme. Hamasi nuk mund të ketë asnjë rol në të ardhmen e Gazës dhe duhet të tërhiqet dhe të çarmatoset", bëri thirrje lideri britanik.

Foto: EPA