Minsk, 1 prill 2026 (MIA) – Presidenti bjellorus Aleksandër Llukashenko deklaroi sot se Bjellorusia nuk dëshiron luftë, por po përgatitet për të.

Nëse dikush e shikon Minskun përmes një teleskopi, ne do t'i përgjigjemi, tha ai në takimin që përmbledh rezultatet e kontrollit të gatishmërisë luftarake të ushtrisë bjelloruse, transmeton Belta.

"Nuk mund të ketë kohë paqeje. Ne po përgatitemi për luftë. Dhe këtu dhe jo vetëm këtu, njerëzit duhet ta kuptojnë se ne jemi absolutisht kundër luftës. Sidomos oficerët tanë, ushtarët tanë, forcat e armatosura, sepse ne e dimë se çfarë është lufta. Ne nuk duam luftë. Por ky është qëllimi i ushtrisë: nëse dikush papritmas vendos të mos flasë me ne, të na shohë përmes një prizmi, ne do të përgjigjemi. Ne po përgatitemi për këtë", theksoi Llukashenko.

Ai u tha pjesëmarrësve në takim se përgjegjësia për vendin është e madhe dhe se ushtria po përgatitet për sfida të mundshme ushtarake.

Në takimin me presidentin morën pjesë rreth 300 persona, përfshirë komandantët e njësive pjesëmarrëse në inspektim të cilin Llukashenko e thirri me udhëheqësine ushtarake për të shqyrtuar rezultatet e një inspektimi gjithëpërfshirës të Forcave të armatosura të Bjellorusisë.

Foto: arkivi i MIA-s