Riga, 19 shtator 2022 (MIA) - Lituania, Letonia, Estonia dhe Polonia prej sot bashkërisht kanë vendosur kufizime shtesë për shtetasit rusë që dëshirojnë të futen në territorin e tyre. Katër vendet anëtare të BE-së nuk do të lejojnë hyrjen përmes kufijve të tyre për shtetasit rusë me viza -shengen të lëshuara për qëllime turistike, biznesore, sportive apo kulturore. Përjashtime nga ndalesa do të ketë për rusët që jetojnë në një nga vendet e BE-së si dhe për disidentë politikë ose kur bëhet fjalë për udhëtime për shkaqe humanitare. Me vendimin e sotëm nuk do të jetë e mundur më  që shtetas rusë me viza shengen të hyjnë në territorin e tyre, pavarësisht se cili shtet ju ka lejuar vizat. Zona shengen përfshin 22 shtete anëtare të Bashkimit Evropian si dhe katër vende të tjera evropiane.