Nju Jork, 10 maj 2024 (MIA) - Përfaqësuesi special i BE-së për dialogun ndërmjet Beogradit dhe Prishtinës, Miroslav Lajçak ka biseduar në Nju Jork me sekretarin e përgjithshëm të KB-së Antonio Guteresh dhe kryetarin e sesionit të 78-të të Asamblesë së përgjithshme të KB-së, Denis Fransis.

Temë e bisedimeve ka qenë situata në Ballkanin Perëndimor dhe puna e ardhshme e Asamblesë së përgjithshme të KB-së.

Lajçak ka informuar Gutereshin për punën e tij dhe se vlerëson mirëkuptimin e Gutereshit për zhvillimet e ngjarjeve në Ballkanin Perëndimor.

“Kam pasur rastin ta informoj për punën time dhe i jam mirënjohës për interesimin e tij të madh dhe mirëkuptimin e thellë të zhvillimit të ngjarjeve në Ballkanin Perëndimor”, ka shkruar Lajcaku mbrëmë në platformën X.

Lajçak deklaroi se biseda me Fransisin ka qenë e dobishme dhe në kohën e duhur, kur Ballkani Perëndimor është më i përfaqësuar se më parë në agjendën e Asamblesë së përgjithshme të KB-së.

Pas takimit, Fransis shkroi në rrjetin X se ka diskutuar me Lajçakun për seancën e ardhshme të Asamblesë së përgjithshme duke përfshirë draft-rezolutën për Srebrenicën.

foto: arkivi i MIA-s