Prishtinë, 26 maj 2025 (MIA) - Kryeministri i Kosovës Albin Kurti sot akuzoi opozitën për "pengim të qëllimshëm" gjatë konstituimit të Kuvendit.

Edhe dje, për të 21-tën herë nuk arriti të konstituohet Kuvendi i Kosovës, sepse nuk kishte kuorum për votimin për Komisionin e votimit të fshehtë. Një seancë e re është caktuar për nesër.

Kurti përsëriti se zgjidhja është që deputetët ta zgjedhin kryetarin e Kuvendit me votim të fshehtë.

Sipas Kurtit, nuk është kontestuese kandidatja e tij për kryetare të Kuvendit, Albulena Haxhiu, por problem është opozita e cila refuzon të votojë fshehtë, ndërsa gjatë votimit publik ajo nuk merr numrin e mjaftueshëm të votave. sa/

foto: EPA