Kiev, 7 gusht 2023 (MIA) – Shefi i diplomacisë ukrainase, Dmitro Kuleba sot gjatë bisedës telefonike me kolegun e tij amerikan, sekretarin e shtetit, Entoni Blinken ka bërë të ditur sa nga SHBA ka kërkuar që në Ukrainë të dërgohen raketat me rreze të gjatë  veprimi ATACMS.

"Sekretari Blinken dhe unë biseduam mbi hapat e mëtejshëm për të zgjeruar mbështetjen globale për Formulën e paqes dhe zgjidhjet për zgjerimin e eksportit të grurit", shkroi Kuleba në rrjetin social X.

Kuleba thotë se ka falënderuar SHBA-në për ndihmën e ofruar.

"Theksova se është e nevojshme të përmirësohen kapacitetet e Ukrainës kur bëhet fjalë për raketat me diametër të gjatë, përmes sigurimit të raketave ATACMS," shton Kuleba.

Më parë, Departamenti i shtetit kumtoi se të dy diplomatët diskutuan për kundërofensivën e Ukrainës, për takimin e mbajtur në qytetin saudit Xheda për paqe të qëndrueshme dhe marrëveshjet afatgjate të sigurisë midis dy vendeve.

“Sekretari përsëriti mbështetjen e fuqishme të SHBA-së për mbrojtjen e Ukrainës kundër agresionit rus dhe ripohoi mbështetjen e vazhdueshme për një ushtri të fuqishme ukrainase dhe institucionet e mbrojtjes”, thuhet në kumtesën e Departamenti amerikan të shtetit.

foto: arkivi i MIA-s