Bejrut, 11 nëntor 2024 (MIA) - Kryeministri teknik libanez, Naxhob Mikati, sot bëri thirrje në armëpushim të menjëhershëm përgjatë kufirit libanez-izraelit dhe tha se lufta ka pasoja katastrofale për vendin e tij.

Mikati bëri thirrje për zbatimin e rezolutës së KB-së që i dha fund luftës midis Izraelit dhe Hezbollahut në verën e vitit 2006 dhe kërkoi vendosjen e trupave libaneze përgjatë kufirit me Izraelin në bashkëpunim me paqeruajtësit e KB-së.

Kryeministri libanez për këtë ka folur në hapjen e samitit arab-islamik në kryeqytetin saudit Riad.

Ai tha se lufta ka shkaktuar humbje të papara, me ç'rast janë vrarë mbi 3.000 persona, duke përfshirë 775 gra dhe fëmijë.

Ai, gjithashtu, tha se lufta ka shkaktuar humbje prej 8,5 miliardë dollarësh, duke përfshirë edhe 3,4 miliardë dollarë për shkak të shkatërrimit ose dëmtimit të rreth 100.000 njësive banesore në pjesë të ndryshme të vendit.

"Asnjë vend nuk mund të marrë barrën e një shkatërrimi kaq të madh", tha Mikati, duke shtuar se Bejruti do të krijojë një fond në të cilin vendet mike do të investojnë për procesin e rindërtimit të shkatërruar nga veprimet e Izraelit.

Ai tha se fondi do të jetë nën mbikëqyrjen ndërkombëtare dhe revizionin ndërkombëtar.

Mikati apeloi te vendet tjera ta mbështesin shtetin libanez, ndërsa ajo fraksionet politike në të.

Arabia Saudite sot është nikoqire e samitit për luftërat në Lindjen e Mesme.

Princi saudit i kurorës Mohamed bin Salman tha në fjalimin e tij se mbretëria e tij përsërit "dënimin dhe refuzimin kategorik të gjenocidit të kryer nga Izraeli kundër popullit vëllazëror palestinez, në të cilin humbën jetën, u plagosën ose u zhdukën 150,000 martirë, kryesisht gra dhe fëmijë".

"Ne pohojmë se krimet e vazhdueshme të Izraelit kundër njerëzve të pafajshëm, këmbëngulja e tij në shkeljen e shenjtërisë së xhamisë së bekuar Al Aksa dhe shpërqendrimi i tij nga roli kyç i Autoritetit Palestinez në të gjitha territoret palestineze do të dëmtojë përpjekjet për të arritur të drejtat legjitime të popullit palestinez të vendosë paqe në rajon", tha Princi saudit i kurorës Bin Salman. sa/

foto: EPA