Moskë, 19 mars 2025 (MIA) - Presidentët e SHBA-së dhe Rusisë, Donald Trampi dhe Vladimir Putini, kanë biseduar për mundësinë e mbajtjes së një sërë ndeshjesh të hokejit mes dy vendeve, njoftoi Kremlini.

Sipas Moskës, Truampi e mbështeti iniciativën e Putinit për organizimin e ndeshjeve në SHBA dhe Rusi, me pjesëmarrjen e ligave të hokejve të të dy vendeve. 

 Në kumtesën zyrtare të Shtëpisë së Bardhë  për bisedën nuk përmendet  hokeji, ndërsa  Liga Kombëtare e Hokejve (NHL) e SHBA-së deklaroi se për idenë ka kuptuar vetëm pas përfundimit të bisedës. 

 "Për sa i përket bisedës mes presidentëve Tramp dhe Putin, NHL nuk ishte pjesë e atyre diskutimeve dhe nuk do të ishte e përshtatshme për ne që të komentonim në këtë moment", theksohet në deklaratën e ligës. 

 Dihet se presidenti rus Vladimir Putini është një tifoz i zjarrtë i hokejit dhe shpesh merr pjesë në ndeshjet ekzibicioniste. Ai ishte i pranishëm edhe në ndeshjen mes Rusisë dhe SHBA-së në Lojërat Olimpike Dimërore në Soçi në vitin 2014, e cila përfundoi me fitoren e amerikanëve me penallti.

 Rivaliteti i hokejit midis SHBA-së dhe Rusisë ka një traditë prej dekadash, duke filluar me Lojërat Olimpike në Lejk Plesid të vitit 1980, kur amatorët amerikanë mposhtën papritur ekipin e atëhershëm sovjetik në atë që u bë e njohur si "Mrekullia e Akullit".

 Foto: Arkivi i EPA-s