Moskë, 22 korrik 2024 (MIA) - Rusia sot i është përgjigjur pozitivisht komenteve të presidentit ukrainas Volodimir Zelenski për negociata të mundshme për t'i dhënë fund luftës mes dy vendeve, njoftoi DPA.

"Kjo është më mirë se deklaratat se janë përjashtuar çfarëdo kontaktesh me palën ruse dhe me shefin e shtetit rus", deklaroi  në Moskë zëdhënësi i Kremlinit Dmitri Peskovi. 

"Kuptohet, të flasësh me një apo një tjetër ton për dialog është shumë më mirë sesa të flasësh për qëllimin për të luftuar deri në ukrainasin e fundit", shtoi ai. 

 Në një intervistë për Bi-Bi-si-në, Zelenski tha më parë se  mund të bisedojë edhe me presidentin rus Vladimir Putin, megjithëse më parë ai e përjashtoi një mundësi të tillë me dekret.

Në intervistë, Zelenski e konfirmoi gatishmërinë e tij në parim për të negociuar me përfaqësuesit rusë në një samit të ri të paqes. 

"Dhe nëse do të jetë Putini apo jo, nuk ka dallim", tha ai. 

 Rusia më parë ka hedgur poshtë mundësinë e pjesëmarrjes së Zelenskit në ndonjë samit të paqes dhe gjithashtu ka vënë në pikëpyetje legjitimitetin e tij si president. Peskov tani megjithatë tha se mbetet për t'u parë se çfarë saktësisht fshihet pas komenteve të fundit të Zelenskit.

Ukraina ka mbrojtur veten kundër një pushtimi rus që nga shkurti i vitit 2022. 

 Në përgjigje të aneksimit të paligjshëm të Rusisë të rajoneve ukrainase të Herson, Zaporozhje, Donjeck dhe Lugansk në vjeshtën e vitit 2022, Zelenski lëshoi ​​një dekret që Ukraina nuk do të zhvillojë bisedime paqeje me Rusinë ndërsa Putin është president.

 Për sa kohë që Bajdeni të mbetet në funksion, asgjë nuk do të ndryshojë për sa i përket ndihmës amerikane për Ukrainën, që do ta vazhdojë luftën, theksoi ai.

"Nuk pritet asgjë e mirë", tha Peskov për Bajdenin. 

 Peskov ishte gjithashtu i kujdesshëm për rolin e zëvendëspresidentes amerikane Kamala Haris, të cilën Biden e mbështeti si zëvendësues të tij në garën zgjedhore.

 Foto: DPA