Shkup, 23 shkurt 2022 (MIA) - Ministrja e Kulturës, Bisera Kostadinovska-Stojçevska në intervistën e sotme për emisionin "24 analiza" deklaroi se në dialogun me Bullgarinë fare nuk negociohet për gjuhën dhe identitetin maqedonas. "Si profesoreshë e gjuhës më pengon diskursi që imponohet në opinion se dikush diku ulet në tryezë dhe si meze e vendosë gjuhën dhe identitetin maqedonas. Më duhet ta freskoj kujtesën se fjalët e Bllazhe Koneskit mbeten gjithnjë e më të pranishme: 'Gjithnjë derisa e kemi gjuhën, e kemi edhe shtetin'. Flasim për gjuhën maqedonase që është e veçantë, askush askund nuk e shkatërron gjuhën, as identitetin. Nuk negociohet, as nuk është kërkuar nga ne kjo", tha Kostadinovska-Stojçevska. Ajo, mes tjerash në intervistë, theksoi  edhe se të gjitha rrogat e punonjësve të kulturës janë paguar si dhe të gjitha shërbimet kontraktuese.