Bruksel, 24 shkurt 2025 (MIA) - Kryetari i Këshillit Evropian, Antonio Koshta mbrëmë në një postim në Iks njoftoi se ka  vendosur të thërrasë një Samit special të shefave të shteteve ose qeverive të vendeve anëtare të BE-së për më 6 mars, ku do të bisedohet për mbrojtjen e Evropës dhe për ngjarjet e lidhura me Ukrainën.

"Jetojmë në një moment vendimtar për Ukrainën dhe sigurinë e Evropës. Në konsultimet e mia me liderët evropian, dëgjova përkushtim të përbashkët për plotësimin e atyre sfidave në nivel të BE-së: përforcimi i mbrojtjes evropiane dhe dhënia e kontributit vendimtar për paqen e kontinentit tonë dhe për sigurinë afatgjate të Ukrainës", citoi Koshta në postim.

Ai shtoi se do të vazhdojë të punojë së bashku me kryetaren e Komisionit Evropian, Ursula fon der Lajen dhe me të gjitha anëtaret, me qëllim "që të jenë të gatshëm të marrin vendime më 6 mars".

Samiti i ardhshëm i rregullt i liderëve të vendeve anëtare të BE-së është caktuar më 20 dhe 21 mars në Bruksel.

Ndryshe, Koshta, Fon der Lajen dhe 21 eurokomisarë sot qëndrojnë në Kiev për ta shprehur mbështetjen e palëkundur të BE-së për luftën në Ukrainë për pavarësi dhe liri në vitin e tretë që nga fillimi i pushtimit rus ndaj vendit. sa/ 

Foto: Arkivi i MIA-s