Bruksel, 18 dhjetor 2024 (MIA) - Kryetari i Këshillit Evropian Antonio Koshta, sot në Bruksel, pak para fillimit të Samitit BE-Ballkani Perëndimor, deklaroi se zgjerimi është një prioritet për të gjithë në BE, se ata janë të përkushtuar në këtë dhe besojnë se ky është "investimi më i madh në paqe, siguri dhe prosperitet".

Në deklaratën e shkurtër për gazetarët pas mbërritjes, Koshta tha se Samiti është i rëndësishëm për tre arsye.

"Meqenëse i përkasim të njëjtës familje evropiane, ndajmë një kontinent dhe, më e rëndësishmja, vlera të përbashkëta dhe histori të përbashkët. Së dyti, sepse zgjerimi është një prioritet për të gjithë ne. Tashmë jemi të përkushtuar ndaj zgjerimit dhe të gjithë besojmë se zgjerimi është investimi më i rëndësishëm gjeopolitik në paqe, siguri dhe prosperitet", theksoi Koshta. 

Së treti, ai tha se BE-ja po zbaton integrimin gradual të vendeve të Ballkanit Perëndimor duke pritur përfitime konkrete për qytetarët e rajonit, si regjimi i udhëtimit pa viza, pagesa më të lehta dhe Planin e rritjes, me të cilat mund të transformohet rrënjësisht Ballkani Perëndimor.

"Në këtë takim duam të inkurajojmë lëvizjen drejt zgjerimit, drejt integrimit më të madh dhe ndarjes së historisë së përbashkët”, theksoi Koshta. ls/

Foto: EPA