Uashington, 28 qershor 2025 (MIA) – Republika Demokratike Kongo dhe Ruanda nënshkruan marrëveshje paqësore, me rol ndërmjetësues të SHBA-së, me qëllim që t’i jepet fund konfliktit në lindje të Kongos në të cilin humbën jetën mijëra njerëz. 

Marrëveshja, sipas Bi-Bi-Si, ka mundësi t’i japë SHBA-së qasje përfituese në burime minerale. 

Marrëveshja, e mirëpritur nga presidenti amerikan Donald Tramp, bazohet në një Deklaratë Parimesh të rënë dakord në prill midis dy vendeve, e cila përfshin dispozita për "respektimin e integritetit territorial dhe ndërprerjen e armiqësive" në Kongon lindore pas një ofensive të udhëhequr nga grupi i armatosur M23.

Marrëveshja ishte nënshkruar zyrtarisht dje në një ceremoni në Uashington, në prani të sekretarit shtetëror Marko Rubio dhe homologëve të tij nga Kongo dhe Ruanda. 

“Ky është moment i rëndësishëm pas 30 viteve luftë”, tha shefi i diplomacisë amerikane, duke shtuar, megjithatë, “se ende ka shumë për tu bërë”. 

Shefi i diplomacisë së Ruandës, Olivie Nduhungihere, deklaroi se marrëveshja bazohet në premtim për ndërprerje defitinitive të mbështetjes shtetërore të grupit FDLR dhe policive të tjera.  

“Ky është vetëm fillimi, e jo fundi”, deklaroi ministrja e Kongos Tereza Kaxhikvamba Vagner. 

Marrëveshja parashikon "shpërbërjen, çarmatimin dhe integrimin e kushtëzuar të grupeve të armatosura jo-shtetërore", si dhe një "mekanizëm për siguri kolektive".

Konflikti në lindje të Kongos, i cili ka rrënjë në pasojat e gjenocidit në Ruandë në vitin 1994 dhe lufta për burime minerale, eskaloi, siç theksojnë mediat, në konfliktin më të vështirë në rajon nga lufta e cila zhvillohej ndërmjet vitit 1998 dhe 2003. 

Nga janari, М23 i pushtoi qytetet kyçe Goma dhe Bukavu, vazhdimisht duke shkaktuar humbje të vështira të armatës së Kongos. 

Kombet e Bashkuara, qeveritë perëndimore dhe analistët e pavarur thonë se Ruandën njëherësh e mbështet M23, duke përfshirë edhe furnizim me armë dhe dërgim të ushtarëve. 

Ruanda i hodhi poshtë akuzat, duke thënë se forcat e saj veprojnë në vetëmbrojtje kundër armatës së Kongos dhe policive në lidhje me kryerësit e gjenocidit nga viti 1994. fc/

Foto: X i Rubios