Bruksel, 19 shtator 2025 (MIA) - Mund të konfirmojmë se Komisioni Evropian sot e ka miratuar pakon e re të 19-të të sanksioneve ndaj Rusisë, informoi në brifingun e rregullt për shtyp të sotme zëdhënësja kryesore e KE-së, Paula Pinjo.  

Pinjo theksoi se shumë detaje për pakon e sanksioneve do t'i bëjë të ditura kryetarja e Komisionit Evropian, Ursula fon der Lajen në deklaratën që do të publikohet këtë pasdite. 

Sipas paralajmërimeve të mëparshme, masat në pakon e 19-të të sanksioneve ndaj Rusisë, si reagim ndaj agresionit rus ndaj Ukrainës, do të jenë të drejtuara ndaj tregtimit me kriptovaluta, bankave dhe sektorit energjetik. qa/

Foto: Arkivi i MIA-s