Pekin, 1 prill 2025 (MIA) - Ushtria kineze sot kumtoi se ka nisur stërvitjet ushtarake që përfshinin degë të ndryshme ushtarake rreth Tajvanit "për të shërbyer si një paralajmërim i mprehtë dhe një pengesë e fuqishme për pavarësinë e Tajvanit" dhe e quajti presidentin tajvanez Uiliam Lai "parazit".

Kina e cila e konsideron Tajvanin si provincë të veten, ka rritur presionin politik dhe ushtarak mbi ishullin vitet e fundit.

“Fokusi i stërvitjeve është praktikimi i patrullimit luftarak në det dhe ajër, vendosja e kontrollit gjithëpërfshirës, ​​goditja e objektivave detare dhe tokësore dhe vendosja e një bllokade në zonat dhe rrugët strategjike", shkroi Komanda lindore e armatës kineze në profilin e saj zyrtare në WeChat.

Ushtria e Tajvanit kumtoi se po ndjek me kujdes stërvitjet ku përfshinin edhe aeroplanmbajtësen kineze "Shandun". rq/

Foto: arkivi i MIA-s