Pekin, 27 mars 2026 (MIA) - Kina është e gatshme të forcojë bashkëpunimin ekonomik dhe tregtar me ShBA-në, deklaroi ministri kinez i Tregtisë Vang Ventao pas një takimi me përfaqësuesin e Tregtisë së ShBA-së Xhejmison Grir në margjinat e një takimi të Organizatës Botërore të Tregtisë në Kamerun.

 Ventao theksoi se ekonomia dhe tregtia duhet të jenë forca lëvizëse e marrëdhënieve midis Kinës dhe  ShBA-së dhe se të dyja palët duhet të "menaxhojnë saktë marrëdhënien midis konkurrencës dhe bashkëpunimit".

 Në të njëjtën kohë ka bërë thirrje për forcimin e bashkëpunimit të ndërsjellë, duke shmangur "konkurrencën e dëmshme", të gjitha në drejtim të avancimit të marrëdhënieve ekonomike dypalëshe.

 Ministri kinez shprehu gjithashtu "shqetësim serioz" për vërejtjet e ShBA-së në lidhje me praktikat e supozuara të padrejta tregtare dhe në lidhje me vendimin e Uashingtonit për të nisur një seri të re hetimesh kundër më shumë se 60 shteteve mes të cilave edhe Kinën, në lidhje me çështjen e punës së detyruar.

 Foto: Arkivi i MIA-s