Nju-Jork, 21 shkurt 2023 (MIA) – Kombet e Bashkuara kanë shprehur shqetësimin për shkak të vendimit të Rusisë që të tërhiqet nga traktati historik për kontrollin e armëve bërthamore.

Presidenti rus Vladimir Putini sot tha se do t'i japë fund pjesëmarrjes së Rusisë në marrëveshjen Starti i ri. 

 "Bota pa kontroll të armëve bërthamore është shumë më e rrezikshme, më e paqëndrueshme, me pasoja potencialisht katastrofike", tha zëdhënësi i KB-së Stefan Dizharik.

 “Duhet të bëhen të gjitha përpjekjet që të shmanget ky rezultat, duke përfshirë kthimin urgjent të dialogut, shtoi ai.

Qeveria britanike paraprakisht i bëri thirrje Putinit të "heqë dorë nga vendimi i tij i përshpejtuar", ndërsa SHBA-ja tha se ishte "thellësisht i gabuar dhe i papërgjegjshëm". ar/

Foto: KB