Nju-Jork, 2 korrik 2024 (MIA) - Asambleja e Përgjithshme e Kombeve të Bashkuara miratoi një rezolutë të propozuar nga Kina, të mbështetur nga SHBA-ja, me të cilën u bëjnë thirrje vendeve të pasura të zhvilluara të kapërcejnë hendekun në rritje me vendet e varfra në zhvillim dhe të sigurojnë që ato të kenë mundësi të barabarta për të përdorur inteligjencën artificiale.

Rezoluta u miratua dje pas miratimit të rezolutës së parë të KB-së për inteligjencën artificiale më 21 mars, të propozuar nga SHBA-ja. Miratimi i dy rezolutave jodetyruese tregon se SHBA-ja dhe Kina, rivale në shumë fusha, janë të vendosur të jenë lojtarë kyç në formësimin e së ardhmes së inteligjencës artificiale dhe të bashkëpunojnë në hapat e parë të mëdhenj ndërkombëtarë në këtë fushë.

 Miratimi i dy rezolutave me konsensus të 193 anëtarëve të Asamblesë së Përgjithshme të KB-së tregon mbështetje të gjerë globale për një strategji të përbashkët në lidhje me zhvillimin e inteligjencës artificiale. Edhe rezolutat e SHBA-së dhe Kineze paralajmërojnë për rreziqet e përdorimit të inteligjencës artificiale, ndërsa theksojnë përfitimet e saj të mundshme në promovimin e zhvillimit ekonomik dhe jetës së njerëzve në mbarë botën. qa

Foto: Arkivi i MIA-s