Nju Jork, 20 tetor 2025 (MIA) – Kombet e Bashkuara sonte shfaqën “shqetësim” pas shpërthimit të dhunës së përgjakshme në Rripin e Gazës dhe ju bënë thirrje “të gjitha palëve plotësisht t’i respektojnë detyrimet e tyre”. 

Njoftimin e dha zëdhënësi i sekretarit të përgjithshëm të organizatës botërore, Stefan Dizharik. 

Sipas të dhënave të mbrojtjes civile në Gazë, të paktën 45 palestinezë i humbën jetët në sulmet izraelite mbi enklavën palestineze, ku lufta në mes lëvizjes palestineze Hamas dhe Izraelit po zhvillohet më shumë se dy vjet. 

Dhuna më e re e vendosi në test armëpushimin e brishtë që hyri në fuqi më 10 tetor. fc/

Foto: Arkivi i MIA-s