KB: Ka indikacione se forcat e sigurisë në Bangladesh përdorën forcë të tepruar
- Kombet e Bashkuara sot kumtuan se ka "indikacione të fuqishme" se forcat e sigurisë në Bangladesh shfrytëzuan forcë "të pajustifikuar dhe disproporcionale" gjatë trazirave që çuan në rrëzimin e kryeministre Sheik Hasina Vazed, transmetojnë mediat franceze.
- Post By Fami Bajrami
- 14:26, 16 gusht, 2024
![KB: Ka indikacione se forcat e sigurisë në Bangladesh përdorën forcë të tepruar](https://mia.mk/images/20240816133639_big_730x400_61.webp )
Gjenevë, 16 gusht 2024 (MIA) - Kombet e Bashkuara sot kumtuan se ka "indikacione të fuqishme" se forcat e sigurisë në Bangladesh shfrytëzuan forcë "të pajustifikuar dhe disproporcionale" gjatë trazirave që çuan në rrëzimin e kryeministre Sheik Hasina Vazed, transmetojnë mediat franceze.
"Ekzistojnë indikacione të fuqishme të cilat garantojnë hapjen e një hetimi të mëtejshëm të pavarur, se forcat e sigurisë kanë tejkaluar ingerencat dhe jo proporcionale në mënyrën se si reaguan ndaj situatës", thuhet në raportin paraprak të publikuar nga Zyra e Komisarit të lartë për të drejtat e njeriut.
Besohet se më shumë se 500 persona kanë vdekur gjatë protestave studentore mbarëkombëtare ku kërkohej ndërprerja e sistemit kontestues të kuotave të punës që përfundimisht u përshkallëzua dhe çoi në dorëheqjen e Hasinës, nënvizon DPA.
Autoritetet në vend kanë nisur hetimet për vrasjet e dyshuara, gjenocidin dhe krimet kundër njerëzimit të kryera nga kryeministrja në largim, kabineti i saj dhe zyrtarët e lartë të sigurisë lidhur me trajtimin e protestave. rq/
Foto: DPA