Bagdad, 19 mars 2026 (MIA) - Grupi i armatosur irakian Kataib Hezbollah sot njoftoi ndërprerje pesëditore të sulmeve ndaj ambasadës së ShBA-së në Bagdad, të kushtëzuar nga zhvillimet që lidhen me aksionet ushtarake izraelite.

 Në komunikatë, zyrtari i sigurisë i grupit, Abu Muxhahid al-Asaf, tha se pauza do të varet nëse Izraeli do të ndalojë atë që ai e përshkroi si "zhvendosje të civilëve dhe bombardime në periferitë jugore të Bejrutit".

 Grupi, gjithashtu vendosi  kushte shtesë, duke përfshirë ndërprerjen e sulmeve ndaj zonave të banuara në Irak dhe kufizime për personelin e inteligjencës amerikane, duke bërë thirrje që ata të qëndrojnë në kompleksin e ambasadës.

 Kataib Hezbollah paralajmëroi se sulmet do të vazhdojnë me intensitet më të madh nëse kushtet nuk përmbushen pas periudhës pesëditore.

Al-Asafi, gjithashtu  u bëri thirrje autoriteteve irakiane të sigurojnë mbrojtjen e misioneve diplomatike dhe objekteve ekonomike. 

Foto: Arkivi