Kiev, 18 janar 2025 (MIA) - Të paktën katër persona kanë humbur jetën, kurse tre janë plagosur në një sulm rus me raketa në kryeqytetin ukrainas Kiev, kumtuan autoritetet ukrainase.

Për shkak të shkallës së dëmëve,është mbyllur stacioni i metrosë Lukianivska afër qendrës së qytetit, transmeton DPA.

Ndryshe nga sulmet e mëparshme në Kiev, këtë herë nuk u dha asnjë alarm për sulm ajror dhe paralajmërimi u dha vetëm pasi u dëgjuan shpërthime.

Sipas raporteve zyrtare, në sulm janë përdorur raketa balistike.

Stacioni i dëmtuar i metrosë ndodhet pranë një fabrike armësh që është shënjestruar vazhdimisht nga sulmet me raketa ruse.

Sipas mediave ukrainase, mbetjet e raketave ranë edhe në pjesë të tjera të qytetit.

Në imazhet që publikohen në rrjetet sociale mund të shihen automjete të dëmtuara dhe ujë që rrjedh nga një tub uji i shpërthyer në stacion.

Në disa pjesë të Kievit, ku jetojnë tre milionë banorëve, furnizimi me ujë ishte i ndërprerë përkohësisht. ls/

Foto: EPA