Uashington, 23 qershor 2023 (MIA) - Katër kompani kineze janë paditur në SHBA për tregti me kimikate të përdorura për prodhimin e fentanilit, një ilaç i rrezikshëm opioid, tha sot Prokurorja e Përgjithshme e SHBA-së Merik Garland.

Tetë punonjës apo zyrtarë të këtyre kompanive janë akuzuar gjithashtu, ndërsa dy prej tyre janë arrestuar, shtoi Garland në konferencë për shtyp.

Vetëm njëra prej kompanive u akuzua se kishte importuar në SHBA më shumë se 200 kilogramë lëndë kimike për të prodhuar më shumë se 50 kilogramë fentanil, e cila, siç tha ministri, ishte “mjaftueshme për të vrarë 25 milionë amerikanë”.

Fentanil, një ilaç sintetik opioid që është 50 herë më i fuqishëm se heroina, është sot shkaku kryesor i vdekjes në mesin e amerikanëve të moshës 18 deri në 49 vjeç.

Kina ndaloi eksportet e fentanilit në SHBA në vitin 2019. ls/