Tetovë, 16 korrik 2021 (MIA) – Që nesër sërish në funksion do të vihet teleferiku me gjashtë ulëse, të cilin qytetarët do të mund ta përdorin falas në dy ditët e fundjavës së ardhshme, informojnë nga Qendra turistike për skijim Kodra e Diellit.

“Qendra turistike “Kodra e Diellit” që nesër, 17 korrik do të ofrojë përmbajtje të shumta për argëtim në qiell të hapur gjatë periudhës së verës. Kësaj fundjave, shfrytëzoni ditët falas për vizitorët dhe fitoni biletë falas për teleferikun me gjashtë ulëse “Lajtner” për alpinizëm dhe çiklizëm alpinist”, saktësojnë nga qendra e skijimit.

Sipas paralajmërimeve, çdo fundjavë, teleferiku me gjashtë ulëse do të punojë në periudhë prej orës 9:00 deri në orën 15:00. as/shk/