Tokio, 24 gusht 2023 (MIA) - Japonia sot ka filluar lëshimin e ujit të pastruar radioaktiv nga centrali bërthamor, i shkatërruar në Fukushima në Oqeanin Paqësor, hap që Kina e ka cilësuar sërish si "egoist dhe të papërgjegjshëm".

Lëshimi, i cili u miratua para dy viteve nga Qeveria japoneze dhe iu dha drita jeshile nga Agjencia për energji bërthamore të Kombeve të Bashkuara, është një hap kyç në procesin e gjatë dhe të vështirë të deaktivizimit të centralit bërthamor Fukushima Daiçi.

Tokio Elektrik Pauer (Telko), e cila menaxhon me centralin, njoftoi se lëshimi ka filluar në orën 13:03 sipas kohës lokale dhe nuk ka zbuluar parregullsi me pompën ose objektet përreth.

Uji fillimisht do të lëshohet në sasi më të vogël dhe me kontrolle shtesë. Lëshimi i parë i ujit me vëllim prej 7.800 metra kub, e cila përafërsisht përshtatet me tre pishina olimpike, do të bëhet në periudhë prej 17 ditësh.

Megjithatë, Kina ka shpehur zemërimin e saj para publikimit. Zëdhënësi i agjencisë kineze për siguri bërthamore e quajti sot Qeverinë japoneze "jashtëzakonisht egoiste dhe të papërgjegjshme në inicimin e dhunshëm të çlirimit...duke vendosur interesat e veta egoiste mbi mirëqenien e gjithë njerëzimit". Centrali Fukushima Daiçi u shkatërrua në mars të vitit 2011 pasi një tërmeti masiv me intensitet 9 ballë shkaktoi një cunami të fuqishëm, që shkaktoi shkrirjen e bërthamave të tre prej reaktorëve të centralit. qa/bsh/

Foto: Arkivi i MIA-s