Athinë, 15 gusht 2024 (MIA) - Roja bregdetare e Greqisë shpëtoi 52 refugjatë dhe emigrantë të cilët me barka gome lundruan në afërsi të ishullit grek të Kretës dhe kërkuan ndihmë, lajmëroi korrespondentja e MIA-s nga Athina.

Të shpëtuarit, 42 burra dhe dhjetë minorenë, u transportuan në portin e qytetit Iraklio në Kretë.

Tre nga grupi, të moshës 16, 18 dhe 20 vjeç janë identifikuar si kontrabandistë dhe janë arrestuar.

Sipas asaj që e thanë të shpëtuarit, siç kumtuan nga shërbimi bregdetar grek, emigrantët ishin nisur nga brigjet libiane drejt Greqisë, me ç'rast për transportin kishin paguar rreth 2.000 dollarë amerikanë. ab/