Athinë, 4 korrik 2025 (MIA) - Numri i të lënduarve është rritur në 47 persona, përfshirë të paktën dhjetë fëmijë, pas përplasjes së dy autobusëve të transportit publik të Athinës në periferinë bregdetare Vula në jug të Athinës, ndërsa tre nga të lënduarit janë në gjendje më serioze, njofton korrespondentja e MIA-s nga Athina.

Fatkeqësia ndodhi për arsye deri tani të panjohura pranë një stacioni të autobusit. Autobusët kanë lëvizur njëri pas tjetrit, ndërsa shumë nga pasagjerët kanë qenë të rinj që shkonin në plazh, duke pasur parasysh se linjat konkrete qarkullojnë deri në plazhe në rajonin e Atikës.

Ministri grek i Shëndetësisë, Adonis Georgiadis për televizionin grek "Skaj" tha se asnjë nga të lënduarit nuk është në rrezik për jetën.