Gazë, 25 korrik 2025 (MIA) - Izraeli do t'u lejojë vendeve të huaja të dërgojnë ndihmë me parashuta në Rripin e Gazës duke filluar nga sot, njoftoi radioja ushtarake izraelite.

 Autoritetet shëndetësore në Gazë bënë të ditur se më shumë se 100 persona, prej të cilëve 81 fëmijë, kanë vdekur nga uria, shumica e tyre në javët e fundit.

 Grupet e të drejtave të njeriut kanë bërë të ditur se uria masive po përhapet në të gjithë Gazën, me tonë ushqime dhe furnizime të tjera që mbeten të paprekura jashtë enklavës.

 Organizatat joqeveritare humanitare deklaruan se thirrjet e Bashkimit Evropian për ndihmë në Gazë, ku palestinezët po vdesin nga uria nën një bllokadë izraelite, nuk kanë shumë vlerë pa aksione të duhura dhe i kanë bërë thirrje BE-së të vendosë sanksione ndaj Izraelit.

 Foto: EPA