Londër, 4 prill 2024 (MIA) - Izraeli ka vrarë më shumë punonjës humanitarë në Rripin e Gazës për gjashtë muaj sesa që janë vrarë në të gjitha vendet në 30 vitet e fundit, sipas raportit të bazës së të dhënave për siguri dhe punonjës humanitarë (AWSD).

Pasi që brigadat Al-Kasam, krahu ushtarak i Hamasti, kanë filluar sulm ndaj Izraelit më 7 tetor të vitit të kaluar, të paktën  203 punonjës humanitarë janë vrarë në sulmet izraelite, thuhet në raport.

Sekretari i përgjithshëm i KB-së, Antonio Guetresh javën e kaluar shprehu shqetësim për shkak të pengesës së vazhdueshme të punonjësve humanitarë të KB-së që t'i kryejnë detyrat e tyre në Rripin e Gazës të rrethuar, sidomos në pjesën veriore të enklavës palestineze.

Organizata amerikane e ndihmës ushqimore Kuzhina qendrore botërore (WCK) konfirmoi se shtatë nga punonjësit e saj humanitarë janë vrarë në një sulm izraelit të hënën në Rripin e Gazës.

SHBA i ka bërë thirrje Izraelit që të hetojë shpejt.

Punonjësit humanitarë duhet të mbrohen gjatë dhënies së ndihmës së nevojshme, tha zëdhënësja e Këshillit të Sigurisë kombëtare të Shtëpisë së Bardhë. mb/

Foto: MIA